حوار بين اب وابنه اكيد بالدارمي وهذا الحوار......
الاب:
يوليدي اعرف بيك عاشك واعذرك
ومن تطخ الراس من حكي احذرك
الابن:
يابويه اظل للدوم عد حسن ظنك
شمعه على درب الشوك كل كلمه منك
الاب:
يوليدي درب الشوك كبلك مشيته
سهله بدمع تبجي بالدم بجيته
الابن:
يابويه عد عيناك بس كلي هسه
انسه الاحبها تريد وعيونك انسه
الاب:
لا يبني كلبي ارتاح وتلل وحب
بس اظن هم يفيد حجي المجرب
الابن:
انه اشكر الله هواي مثلك ابو يصير
بطيبه وكلب فرحان ينصحني ويشير
الاب
يوليدي اريدك دوم تندل طريقك
واحسبني من هاليوم بالحب صديقك
مع حبي وتقديري
امير الاحزان الفلوجي
موضوع: اهداء لجميع اعضاء المنتدى حوار بين اب وابنه بالدارمي 
الجمعة يونيو 13, 2008 9:28 am
